Guðbjörg Gunnarsdóttir, landsliðsmarkvörður, segir að liðið verði að sækja sigur gegn Færeyjum á mánudaginn í undankeppni HM.

,,Við fórum til okkar liða og það er léttast að gleyma einhverju með því að spila eitthvað annað. Það er gleymt,“ sagði Guðbjörg um EM í sumar.

,,Þýskaland er enn eitt besta lið í heimi svo þetta verður krefjandi og skemmtilegt. Við eigum að vinna Færeyjar, það er ekkert leyndarmál. Við erum með betra lið.“

,,Ef við förum eitthvað 50 prósent í leikinn þá lendum við í vandræðum en ef við spilum af okkar getu þá eiga úrslitin að detta með okkur.“