Heimir Guðjónsson, þjálfari FH, var ánægður með stigin þrjú sem liðið fékk gegn Grindavík í dag. FH vann 1-0 sigur með marki frá Steven Lennon.

,,Mér fannst við duglegir í þessum leik og í fyrri hálfleik lentum við í vandræðum með skyndisóknir en við vorum að spila vel og sköpuðum góð færi,“ sagði Heimir.

,,Við skoruðum gott mark og héldum búrinu hreinu. Við þurfum að fókusera á að klára þetta Evrópusæti og það er bara einn leikur í einu.“

,,Það er frábært að vinna Grindavík, þeir eru vel spilandi og eru með heitasta mann í deildinni í markaskorun.“

,,Davíð er meiddur og hefur verið meiddur í náranum. Ég reikna með að hann verði klár gegn Víkingi Reykjavík.“