Ólafur Jóhannesson, þjálfari Vals, var nokkuð sáttur með stigið sem liðið fékk á KR-velli í kvöld. Valur gerði markalaust jafntefli við KR.
,,Ég var sáttur við leikmennina mína og framlag þeirra en auðvitað vill maður vinna en við gátum líka tapað þessum leik,“ sagði Óli.
,,Það var ekki mikið um færi og svona leikir vinnast oft á litlum mómentum þar sem menn gleyma sér en það var ekki þannig í dag.“
,,Við vorum ekki nógu kaldir og skarpir sóknarlega en á móti voru menn varkárir og vildu verja markið sitt.“
