Pétur Viðarsson, leikmaður FH, var að vonum sáttur með að fá þrjú stig í erfiðum leik gegn ÍBV í Vestmannaeyjum 1-0 í kvöld.

,,Ég er rosalega sáttur með sigurinn. Þetta er erfiður völlur að koma á og Eyjamenn hafa verið sterkir undanfarið og unnu góðan sigur á KR,“ sagði Pétur.

,,Spilamennskan var fín. Völlurinn var þungur og þetta var svolítill kraftabolti, það var mikið um baráttu og tæklingar.“

Óvissa var um hvort skot Steven Lennon hafi farið yfir línuna í dag en Pétur gat ekki verið of viss.

,,Ég var eiginlega rétt fyrir utan teiginn. Mér sýndist hann hafa farið einn en það var rosalega erfitt að sjá það.“