Gunnlaugur Jónsson, þjálfari ÍA, var ánægður með sína menn í dag þrátt fyrir 2-1 tap gegn KR í Pepsi-deild karla.

,,Við gerðum harða atlögu að jöfnunarmarkinu þó við höfum ekki fengið nein dauðafæri en við vorum að þjarma að þeim,“ sagði Gunnlaugur.

,,2-2 hefði kannski verið ósanngjarnt en það spyr enginn að því í leikslok. Auðvitað var fókusað á varnarleikinn í dag og það fór mikil orka í það.“

,,Það hefði verið frábært að geta fengið Tryggva inná en við testuðum hann í upphitun og hann kom bara ekki þannig út að það væri þess virði að missa hann í einhver meiðsli.“