,,Ég er rosalega stoltur af stelpunum,“ sagði Kjartan Stefánsson þjálfari Hauka eftir 1-5 tap gegn Stjörnunni í fyrstu umferð Pepsi deildar kvenna í kvöld.

Haukar voru manni færri í rúmar 70 mínútur en Stjarnan kláraði leikinn í raun ekki fyrr en á 78. mínútu þegar liðið komst í 3-1 en Haukar eru nýliðar í deildinni.

,,Það var mjög slæmt að missa leikmann útaf snemma, það sem ég get tekið út úr leiknum er að við reyndum að halda áfram að spila fótbolta.“

,,Þrátt fyrir að vera að spila við rosalega gott lið og aðstæður þannig að þetta var svolítið. Við vorum alltaf að reyna að fylgja því sem við erum að stefna að sem er að búa til fótboltalið.“

Viðtalið er í heild hér að ofan og neðan.