Nike er að rannsaka hönnunargalla í landsliðstreyjum fyrir HM í sumar.
Gallinn snýr að bungu í saumnum við axlir og sást meðal annars á treyjum Englands, Frakklands og Úrúgvæ í landsleikjaglugganum nýverið.
Samkvæmt Nike hefur gallinn ekki áhrif á leikmenn, en fyrirtækið segir jafnframt að þetta sé ekki ásættanlegt og unnið er að því að laga málið, leikmanna og stuðningsmanna vegna.
Nike framleiðir einnig treyjur fyrir fjölda annarra þjóða, þar á meðal Brasilíu og Holland.
