Enska úrvalsdeildin er á góðri leið með að tryggja sér fimmta sætið í Meistaradeild Evrópu á næsta tímabili eftir afar sterka frammistöðu liða deildarinnar í Evrópukeppnum.

Samkvæmt styrkleikalista UEFA er England langt á undan Ítalíu og Spáni og virðist nær öruggt með að fá eitt af tveimur aukasætum.

Fimm ensk lið, Arsenal, Liverpool, Manchester City, Tottenham og Chelsea, tryggðu sér beint sæti í 16-liða úrslitum Meistaradeildarinnar, en Newcastle komst í umspil.

Þar að auki eru öll níu ensku liðin sem hófu Evrópukeppni enn með, sem er árangur sem engin önnur deild í Evrópu státar af.