Umboðsmaður Gianluigi Donnarumma, Enzo Raiola, lét út úr sér óvænt ummæli um framtíð ítalska landsliðsmarkvarðarins, þrátt fyrir að hann hafi aðeins verið sex mánuði hjá Manchester City. Raiola viðurkennir að Donnarumma myndi vilja snúa aftur til Ítalíu ef tækifærið býðst.
Donnarumma gekk til liðs við City síðasta sumar frá PSG. Raiola segir þó að þrátt fyrir að skjólstæðingur sinn sé sáttur í Manchester og ánægður með verkefnið undir stjórn Pep Guardiola sé heimþráin aldrei langt undan.
„Hann er að finna ró hjá Manchester City og líkar verkefnið mjög vel. En ef tækifæri til að snúa aftur til Ítalíu kæmi upp þá myndum við taka það,“ sagði Raiola.
Donnarumma er samningsbundinn City til 2030 og þó svo að Juventus og Inter hafi fylgst með leikmanninnum yrði afar flókið fyrir þau að kaupa hann á næstunni.
