Ruben Amorim var reiðubúinn að segja af sér þremur dögum áður en hann var rekinn frá Manchester United, ákvörðun sem hefði sparað félaginu um 12 milljónir punda í starfslokagreiðslur.

Samkvæmt heimildum innan Old Trafford var Portúgalinn afar niðurbrotinn eftir harkalegt rifrildi við, Jason Wilcox, föstudaginn fyrir leik United gegn Leeds á Elland Road. Amorim á að hafa sagt vinum sínum að hann hygðist segja starfi sínu lausu.

Hann skipti þó um skoðun eftir samtal við umboðsmann sinn, Raul Costa, sem taldi að félagið ætti annaðhvort að standa með honum eða reka hann. Hefði Amorim sagt af sér sjálfur, er talið líklegt að hann hefði gengið frá borði án nokkurra bóta.

Costa var sannfærður um að endalok þessa erfiða tímabils væru í nánd og að ef ákvörðunin kæmi frá félaginu ætti það að greiða upp samning Amorim, sem áður stýrði Sporting Lissabon.

Á mánudag var Amorim kallaður á fund með Wilcox og framkvæmdarstjóranum Omar Berrada, þar sem honum var sagt upp störfum. Í kjölfarið fær hann starfslokagreiðslur sem nema um 12 milljónum punda, sem hækkar heildarupphæð bóta til rekins knattspyrnustjóra hjá United síðan Sir Alex Ferguson hætti í um 100 milljónir punda.

United hafa síðan ráðið Michael Carrick sem bráðabirgðastjóra. Ole Gunnar Solskjær var einnig tekinn í viðtal, en Carrick heillaði forráðamenn félagsins mest. Carrick hefur þegar hafið störf á Carrington og mun stýra liðinu í Manchester-slagnum gegn City á laugardag.