Jóhann Skúli Jónsson, gjarnan kallaður Jói Skúli, var gestur Helga Fannars í nýjasta þætti af Íþróttavikunni og með þeim var einnig Hörður Snævar Jónsson.

Skagamenn eru aðeins með 2 stig eftir fjórar umferðir í Bestu deild karla. Helgi telur að liðið ætti að hafa fleiri stig.

„Þeir áttu sláarskot til dæmis og frammistaða þeirra var fín. Mér finnst frammistaða ÍA alveg gefa meira til kynna en tvö stig,“ sagði Helgi og átti við leik þeirra við Víking í upphafi setningarinnar.

„Ég er sammála því. Ég sá Fram-leikinn og þar kasta þeir frá sér unnum leik. Ég væri ekkert að panikka upp á Skaga þó þeir séu bara með tvö stig,“ sagði Jóhann.

„Ef þeir tapa um helgina eru þetta samt bara fimm leikir og tvö stig,“ benti Hörður á.

„Stóri munurinn á ÍA og Víking, Val, Breiðablik, KR, er að þar eru hópar sem geta dílað við ýmislegt. Rúnar Már er meiddur og Gísli Eyjólfs missti af síðasta leik. Það er bara of mikið. Gummi Tóta var meiddur í leiknum á undan,“ sagði hann enn fremur.

Nánar í spilaranum.