

Myndband hefur vakið mikla athygli eftir tap Inter Miami gegn LAFC í MLS, þar sem Lionel Messi sást afar reiður eftir leikslok.
Inter Miami tapaði 3-0 í fyrstu umferð keppninnar og eftir lokaflautið reyndi Messi að ræða við dómara leiksins með miklum ákafa. Samkvæmt myndefni sem hefur farið í dreifingu virtist argentínska stórstjarnan ætla að fylgja dómaranum inn í klefa hans.
Það var hins vegar liðsfélagi hans, Luis Suárez, sem greip inn í og stöðvaði Messi með því að toga í hann áður en hann komst lengra. Suárez virðist hafa reynt að róa samherja sinn niður í hita augnabliksins.
Messi var greinilega ósáttur við framvindu leiksins og ákvarðanir dómarans, en Inter Miami átti erfitt kvöld gegn sterku liði LAFC.
Myndband af þessu er hér að neðan.
Footage shows Lionel Messi trying to CONFRONT the referee after full-time, with Luis Suárez pulling him back to stop him entering the officials’ dressing room. 😳🇦🇷 pic.twitter.com/QwzB0ANYsn
— 𝐸𝑑𝑑𝑖𝑒🪐☄️ (@fatasimi) February 22, 2026