Leikmenn Newcastle United hafa sætt gagnrýni eftir að myndband fór í dreifingu á samfélagsmiðlum þar sem ungur lukkukrakki virtist skilið eftir og ráðvillt fyrir leik liðsins gegn Liverpool um helgina.

Newcastle tapaði leiknum 4-1 á Anfield þrátt fyrir ágæta byrjun, en það var 55 sekúndna myndskeið sem vakti mesta athygli eftir leik. Þar sést ung stúlka, sem var lukkudýr liðsins, standa ein á vellinum eftir að leikmenn höfðu lokið handabandi fyrir leik og hlaupið til undirbúnings.

Stúlkan virtist óviss um hvert hún ætti að fara og horfði í átt að leikmönnum Newcastle. Myndavélin beindist síðan að hinum enda vallarins þar sem fyrirliði Liverpool, Virgil van Dijk, sást sinna lukkudýrum Liverpool-liðsins.

Stuðningsmenn gagnrýndu þetta harðlega á netinu og töldu framkomuna óviðeigandi. Newcastle hefur brugðist við og sagst ætla að skoða málið og bæta verklag sitt svo slíkt endurtaki sig ekki. Málið hefur vakið umræðu um ábyrgð félaga gagnvart ungum stuðningsmönnum á leikdegi.

Really, really bad from the lads & staff this. Poor little lass man. pic.twitter.com/JN52F64ohx

— Geordie Josh (@geordiejosh) February 1, 2026