Víkingur vann rútineraðan sigur á KA fyrir norðan í Bestu deild karla í kvöld.
Nikolaj Hansen kom Víkingi yfir eftir um hálftíma leik og staðan í hálfleik var 0-1. Þegar um 20 mínútur lifðu leiks tvöfaldaði Gylfi Þór Sigurðsson forystu Víkings. Meira var ekki skorað og 0-2 sigur staðreynd.
Víkingur er á toppi deildarinnar með 26 stig, 4 stigum meira en Breiðablik en hefur þó spilað leik meira. KA er í 11. sæti með 12 stig, stigi frá öruggu sæti.
Á sama tíma heimsótti Stjarnan Skagamenn, en þetta var síðasti leikur liðsins áður en Lárus Orri Sigurðsson tekur við.
Benedikt Waren kom gestunum yfir skömmu fyrir hlé og snemma í seinni hálfleik gengu Garðbæingar frá leiknum.
Fyrst skoraði Baldvin Þór Berndsen sjálfsmark og skömmu síðar gerði Andri Rúnar Bjarnason þriðja markið. Lokatölur urðu 0-3.
Stjarnan er komin upp fyrir Val og Vestra og í þriðja sæti deildarinnar með 20 stig.
