Bayern Munchen hefur áhuga á Gabriel Martinelli hjá Arsenal samkvæmt þýska blaðamanninum Christian Falk.
Bayern leitar að kantmanni og hafa menn eins og Nico Williams, Luis Diaz og Jamie Gittens einnig verið orðaðir við félagið.
Arsenal er sagt opið fyrir því að losa sig við Martinelli fyrir rétt verð, en samkvæmt The Athletic kostar hann um 50 milljónir punda. Hann gæti því reynst góð lausn fyrir Bayern.
Martinelli gekk í raðir Arsenal frá heimalandinu Brasilíu árið 2019. Hann er samningsbundinn í London til 2027.
