Erik ten Hag stjóri Bayer Leverkusen er að reyna að sannfæra Granit Xhaka um að vera áfram hjá félaginu ef marka má ítalska miðla.

Xhaka hefur verið hjá Leverkusen í tvö ár og vann deild og bikar með liðinu í fyrra, á sínu fyrsta tímabili eftir komunni frá Arsenal.

Nú er þessi 32 ára gamli leikmaður hins vegar sagður mjög spenntur fyrir því að fara til AC Milan, sem er að reyna að fá hann.

Leverkusen hefur þegar misst Jeremie Frimpong, Florian Wirtz og Jonathan Tah í sumar og vill Ten Hag halda einhverjum af sínum lykilmönnum.

Leverkusen missti einnig stjórann Xabi Alonso í sumar og tók Ten Hag, sem er auðvitað fyrrum stjóri Manchester United, við af honum.