Asíumeistarar Al-Ahli hafa boðið Fermin Lopez, miðjumanni Barcelona, freistandi tilboð.
Spænska blaðið Sport heldur þessu fram, en Börsungar eru opnir fyrir því að selja hinn 22 ára Fermin til að fá inn fjármuni til að nota í aðrar stöður, til að mynda í vinstri kantmann.
Fermin var ekki fastamaður í liði Barcelona á síðustu leiktíð en er ungur og á fjögur ár eftir af samningi sínum. Það gæti því töluvert fengist fyrir hann.
Al-Ahli er allavega til í að borga Fermin vel en leikmaðurinn er sagður vilja vera áfram í Katalóníu.
Sádiarabíska félagið er afar metnaðarfullt og með menn eins og Ivan Toney og Riyad Mahrez innanborðs. Þá er félagið sagt vera að reyna við knattspyrnustjórann Ange Postecoglou.
