Al-Hilal bauð Paulo Dybala því sem nemur um 1,5 milljarði íslenskra króna, aðeins fyrir að taka þátt með liðinu í HM félagsliða.
Þetta kemur fram í fjölmiðlum í heimalandi hans, Argentínu, en hinn 31 árs gamli Dybala er samningsbundinn Roma á Ítalíu.
Sádiarabíska félagið, sem er með nokkrar stórstjörnur innanborðs, freistaði þess að fá hann á stuttum samningi en hafði hann greinilega ekki áhuga.
Al-Hilal hefur leik á HM á morgun og byrjar á engum smáslag gegn Real Madrid.
Dybala hefur verið hjá Roma síðan 2022. Hann hefur einnig leikið með Juventus og Palermo eftir að hann yfirgaf heimalandið.
