Ousmane Dembele á skilið að vinna Ballon d’Or verðlaunin á þessu ári ef þú spyrð mann að nafni Luis Enrique.
Enrique er stjóri Paris Saint-Germain en hann vinnur þar með Dembele og unnu þeir Meistaradeildina saman.
Dembele átti frábært tímabil með PSG en hann skoraði 33 mörk í öllum keppnum í 49 leikjum.
Frakkinn reif sig svo sannarlega í gang á tímabilinu en hann skoraði aðeins sex mörk í 42 leikjum í fyrra.
,,Ousmane Dembele á að vinna Ballon d’Or. Hann á verðlaunin skilið. Það er enginn vafi á því,“ sagði Enrique.
Dembele fær harða samkeppni er verðlaunin verða afhent í lok árs en Mohamed Salah er talinn líklegur til afreka.
