Vinicius de Oliveira Cabral de Souza lést í febrúar en andlát hans hefur verið til rannsóknar. Vini var aðeins 19 ára gamall þegar hann tók eigið líf.
Vini var í herbúðum Manchester United en var látin fara frá félaginu, hann var þá 14 ára gamall. Vini kom frá Brasilíu en lék eftir það með Warrington Town áður en hann lét lífið.
Í rannsókn málsins kemur fram að lögreglan hafi komið að Vini þar sem hann hafði hengt sig á heimili sínu.
„Hann var hættur að fara út, hann var hættur að fara í ræktina og hitta vini sína,“ sagði systir hans við lögreglu.
Vini hafði nokkrum mánuðum fyrir andlátið ákveðið að hætta í fótbolta og virtist lífið reynast honum erfitt eftir það. Draumurinn um að verða atvinnumaður var úr sögunni og reyndist það drengnum erfitt.
„Hann var alltaf að biðjast afsökunar á því hvernig hann var við okkur, við áttuðum okkur ekki á hvað hann átti við,“ segir systir hans.
Móðir Vini sagði við lögreglu að hann hefði í eitt skipti tekið eiturlyf á djamminu og því hætt að fara út, hann sagði að allir vinir sínir væru farnir að nota eiturlyf.
Enginn ólögleg efni fundust í líkama Vini við krufningu.
Ef einstaklingar glíma við sjálfsvígshugsanir er bent er á Hjálparsíma Rauða krossins 1717 og netspjall Rauða krossins 1717.is. Opið allan sólarhringinn. Einnig má hafa samband við Píeta-samtökin sem veita ókeypis ráðgjöf í síma 552-2218, allan sólarhringinn. Netspjall Heilsuveru þar sem svarar hjúkrunarfræðingur er líka opið frá kl.8-22 alla daga. Fyrir þau sem misst hafa ástvin í sjálfsvígi má fá stuðning í sorg hjá Sorgarmiðstöð og hjá Pieta samtökunum.
