Saga Jlloyd Samuel, fyrrum varnarmanns Bolton og Aston Villa í ensku úrvalsdeildinni, er vægast sagt mögnuð. Enn fer fólki ekki saman um hvort hann sé lífs eða liðinn.

Árið 2011 yfirgaf Samuel enska boltann og hélt til Íran til að spila með Esteghlal. Þar kom hann sér vel fyrir og giftist konu þar í landi, fatahönnuði að nafni Helia. Gallinn var hins vegar sá að kappinn átti fjölskyldu á Englandi einnig.

Samuel lést í bílslysi árið 2018, það er að minnsta kosti opinbera skýringin. Var hann aðeins 37 ára gamall og skildi hann eftir sig eiginkonu, Emma Pritchard, og þrjú börn.

Í miðju sorgarferli komst Pritchard svo að því að Samuel hafi lifað tvöföldu lífi, og að hann hafi gift sig í Íran árið 2013, auk þess sem hann var farinn að aðhyllast Íslamstrú.

Pritchard sagði árið 2022 að hann hafi aldrei grunað að neitt væri að í hjónabandi hennar og Samuel og að kvöldið áður en hann lést hafi þau átt góða stund saman, þar sem hann tjáði henni hversu heitt hann elskaði hana.

Til að bæta gráu ofan á svart halda nýja eiginkonan, Helia, og systir Samuel, því fram að kappinn sé enn á lífi. Hefur þetta leitt til harðra deilna milli Pritchard og fjölskyldu Samuel. Vilja þær meina að Samuel hafi ekki einu sinni lent í slysinu og að það sem átti að hafa verið illa brennt lík hans hafi alls ekki verið hann.

Helia heldur því þá statt og stöðugt fram að Samuel hafi átt að fljúga til Marokkó að hitta sig daginn sem hann lést. Þau hafi svo ætlað til Gíneu-Bissá og hefja nýtt líf saman. Segir hún að Samuel hafi ætlað að stofna fyrirtæki sem selur demanta.

Sem fyrr segir er opinbera skýringin áfram að Samuel sé látinn, en málið er hið furðulegasta.