fbpx
Laugardagur 29.nóvember 2025
433Sport

Tilboði í Arnór hafnað og hann svekktur – Sagður bíða við símann

Helgi Fannar Sigurðsson
Mánudaginn 3. febrúar 2025 19:27

Mynd: DV/KSJ

Ekki missa af Helstu tíðindum dagsins í pósthólfið þitt

Lesa nánar

Enska félagið Burton Albion hefur lagt fram tilboð í Arnór Traustason, miðjumann Norrköping í Svíþjóð, en því hefur verið hafnað.

Íslenski landsliðsmaðurinn staðfestir tíðindin í viðtali við sænska miðilinn Fotbollskanalen, en aðeins eru nokkrar klukkustundir í að félagaskiptaglugganum verði skellt í lás.

Arnór hefur verið á mála hjá Norrköping síðan 2022 og er hann með samning út næsta ár. Hann hefur þó áður rætt það að hann sé opinn fyrir því að fara annað.

Arnór er nú staddur með liðinu í æfingaferð á Marbella og lætur farsímann vart frá sér samkvæmt Fotbollskanalen.

Burton hefur hins vegar gert tilboð og í samtali við Fotbollskanalen segir Arnór að því hafi verið hafnað en að hann telji að þeim hafi verið gert gagntilboð frá Norrköping.

„Ég skil Norrköping að vissu leyti miðað við stöðuna sem félagið er í en ég hef sagt hvað mér finnst. Þetta var tækifæri til að fara til Englands og það hefði verið gaman að prófa það. En ég ræð þessu ekki. Ég hefði samþykkt að fara ef klúbbarnir hefðu verið sammála. Þetta var betri samningur en ég er með hér. En ég missi ekki svefn yfir þessu,“ segir Arnór.

Burton er í 21. sæti í ensku C-deildinni. Félagið er í norrænni eigu, þar á meðal Íslendinga.

Magni Fannberg er íþróttastjóri Norrköping og ræddi hann málið einnig.

„Það hefur verið nokkur áhugi á Arnóri en hann er einn af okkar mikilvægustu leikmönnum. Það er áhugi og við tökum tillit til þess. En við höfum ekki fengið tilboð sem eru nærri því nógu góð.“

Fotbollskanalen heldur því einnig fram að Lyngby í Danmörku hafi gert tilboð í Arnór. Sjálfur kannast hann ekki við það, umboðsmaður hans láti hann aðeins vita af tilboðum sem vekja áhuga hans.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Stórt skref fyrir ÍTF
433Sport
Fyrir 17 klukkutímum

Ronaldo opnar einkaklúbb – Þetta þarftu að greiða til að verða meðlimur

Ronaldo opnar einkaklúbb – Þetta þarftu að greiða til að verða meðlimur
433Sport
Fyrir 18 klukkutímum

Dóri Árna spurður út í KR – „Mér líður enn þá þannig“

Dóri Árna spurður út í KR – „Mér líður enn þá þannig“
433Sport
Fyrir 21 klukkutímum

Fyrrum leikmaður Liverpool útilokar ekki að félagið láni Wirtz frá sér í janúar

Fyrrum leikmaður Liverpool útilokar ekki að félagið láni Wirtz frá sér í janúar
433Sport
Fyrir 22 klukkutímum

Frábær tíðindi hjá Chelsea fyrir stórleik helgarinnar

Frábær tíðindi hjá Chelsea fyrir stórleik helgarinnar
433Sport
Í gær

Ræðir umdeild félagaskipti sín – Segir Arsenal hafa svikið loforð

Ræðir umdeild félagaskipti sín – Segir Arsenal hafa svikið loforð
433Sport
Í gær

Metnaður fyrir norðan – Vilja sækja mann frá Milan til að byggja ofan á gott gengi

Metnaður fyrir norðan – Vilja sækja mann frá Milan til að byggja ofan á gott gengi