Arnar Gunnlaugsson landsliðsþjálfari segir engum blöðum um það að fletta að Jóhann Berg Guðmundsson hafi verið pirraður á að hafa ekki verið valinn í síðasta landsliðshóp.
Jóhann var valinn í hóp Arnars fyrir komandi leiki gegn Aserbaísjan og Úkraínu. Það vakti athygli í ljósi þess að hann valdi reynsluboltann óvænt ekki fyrir síðustu landsleiki fyrir um mánuði síðan.
En var ekki kergja Jóhann megin eftir að hafa ekki verið valinn síðast? „Jú, klárlega. Ég ætla að vona að hann hafi ekki þolað mig í nokkrar vikur og geri jafnvel enn,“ sagði Arnar léttur í samtali við 433.is.
„En Jói er algjör winner. Hvað gera þeir? Þeir fara ekki að væla heldur sýna þjálfaranum í tvo heimana. Ég ætlast til að hann komi með gott hugarfar og verði hungraður. Ég skynja að hann sé enn mjög hungraður í að gera vel fyrir okkur.“
Ítarlegt viðtal við Arnar er í spilaranum.
