Eddie Howe lét ekki sitt eftir liggja eftir að Newcastle tapaði 3-1 gegn fallbaráttuliði West Ham á útivelli á sunnudag. Tapinu fylgdi sú staðreynd að liðið hefur ekki unnið útileik í deildinni síðan í apríl og situr nú í neðri hluta ensku úrvalsdeildarinnar.

„Hreyfanleikinn var ekki til staðar,“ sagði Howe eftir leikinn.

„Líkamleg orka og ákefð vantaði. Við komumst yfir snemma og hefðum átt að ná tökum á leiknum, en í staðinn misstum við hann frá okkur. Þetta leit ekki út eins og Newcastle-lið síðustu ára, líkamstjáning, samheldni og vilji voru einfaldlega ekki til staðar.“

Howe gerði þrjár breytingar í hálfleik, þar á meðal að taka Nick Woltemade og Anthony Gordon af velli í von um að hrista liðið í gang, en án árangurs þar sem West Ham bætti aðeins í.

„Ég hefði getað tekið hvern sem er út af,“ bætti hann við.

„Það lýsir vel stöðunni sem við vorum í. Ég hef varla fundið svona tilfinningu síðan ég tók við liðinu.“