Íslenska kvennalandsliðið er úr leik á EM í Sviss eftir tap gegn heimakonum í öðrum leik sínum í riðlakeppninni.

Ísland þurfti sigur eða jafntefli úr þessum leik eftir óvænt tap gegn Finnlandi í fyrstu umferð.

Þær Geraldine Reuteler og Alayah Pilgrim gerðu mörk Sviss í 2-0 sigri sem reynist þeim afskaplega mikilvægur.

Ísland á eftir að spila einn leik í riðlinum gegn Noregi en sigur í þeim leik mun ekki hjálpa fyrir framhaldið.

Þorsteinn Halldórsson, landsliðsþjálfari Íslands, ræddi við RÚV stuttu eftir lokaflautið.

,,Mér fannst vera jafnvægi í leiknum og sérstaklega þegar leið á hann en svo refsa þær okkur fyrir smá mistök á miðsvæðinu sem verður til þess að þær skora,“ sagði Þorsteinn við RÚV.

,,Fyrra markið kemur þegar það er balance í leiknum og engin hætta eða svaka pressa en auðvitað er það fúlt að vera refsað fyrir mistök en þannig er þetta bara.“

,,Við ætluðum að fara áfram, það er það sem við ætluðum en við vorum ekki nógu góð í dag til að klára þennan leik. Nú spilum við upp á stoltið gegn Noregi.“