Manchester United er að reyna að selja Tyrell Malacia en það virðist enginn hafa áhuga á að kaupa. The Athletic segir frá.
Malacia var á láni hjá PSV, sem varð hollenskur meistari, eftir áramót en er nú kominn aftur til United.
Bakvörðurinn virðist engan veginn vera í áætlunum Ruben Amorim á Old Trafford og má leita annað, en sem fyrr segir gengur illa að finna kaupanda.
Malacia kom til United 2022 og var í stóru hlutverki á sinni fyrstu leiktíð. Hann var svo meiddur heillengi áður en hann sneri aftur skömmu fyrir síðustu áramót, áður en hann var lánaður burt.
