Ruben Amorim, stjóri Manchester United, hefur tjáð fjórum leikmönnum liðsins að þeir séu ekki í plönum liðsins á undirbúningstímabilinu og fari ekki með í ferðina til Bandaríkjanna.

The Sun fjallar um málið, en mennirnir sem um ræðir eru Marcus Rashford, Antony, Jadon Sancho og Aljeandro Garnacho.

Allir, að þeim síðastnefnda undanskildum, voru annars staðar á láni á síðustu leiktíð, en Garnacho hefur verið sterklega orðaður við brottför og virðist miðað við þetta mega finna sér nýtt félag.

United hefur undirbúningstímabilið á leik gegn Leeds í Stokkhólmi þann 19. júlí, áður en liðið hefur til Bandaríkjanna og mætir þar West Ham, Bournemouth og Everton.