Liverpool er að undirbúa stórt tilboð í Marc Guehi hjá Crystal Palace. Telegraph greinir frá þessu.

Liverpool hefur fengið Jeremie Frimpong frá Bayer Leverkusen í sumar og er Florian Wirtz að koma einnig. Þá ætlar enska félagið að láta einn leikmann á móti til þýska liðsins, miðvörðinn Jarell Quansah.

Félagið vill fá miðvörð inn í staðinn og er enski landsliðsmaðurinn Guehi efstur á óskalistanum sem stendur. Hann hefur verið algjör lykilmaður hjá Palace undanfarin ár og hjálpaði liðinu að vinna enska bikarinn í vor.

Þá greinir BBC frá því að Liverpool sé þó einnig til í að sýna þolinmæði varðandi Guehi ef ekki næst samkomulag við Palace og fá leikmanninn frítt þegar samningur hans rennur út næsta sumar.