Enska knattspyrnusambandið hefur ákært Mykhailo Mudryk kantmann Chelsea fyrir brot á lyfjareglum. Ólögleg efni fundust í líkama hans.
Mudryk hefur ekkert spilað síðustu mánuði eftir að upp komst um mögulegt brot hans.
Mudryk hefur nú verið ákærur. „Við getum staðfest að Mudryk hefur verið ákærður fyrir að hafa notað ólögleg efni,“ segir í yfirlýsingu enska sambandsins.
Mykhailo Mudryk kostaði Chelsea á sínum tíma um 100 milljónir punda en enska sambandið gæti nú sett hann í fjögurra ára bann.
Mudryk hafði ekki fundið taktinn hjá Chelsea áður en félagið setti hann til hliðar vegna málsins.
