Andre Onana vildi lítið gefa upp um hvort hann færi frá Manchester United í sumar, en útilokaði það ekki.
Markvörðurinn hefur verið hjá United í tvö ár. Hann kom frá Inter og hefur ekki staðið undir væntingum og þótt mistækur.
Hann hefur því verið sterklega orðaður við brottför í félagaskiptaglugganum í sumar og United sagt skoða aðra kosti í markið.
„Ég veit ekki hvort ég fari. Við skulum sjá til,“ segir leikmaðurinn sjálfur hins vegar um málið.
