Millie Bright einn besti leikmaður enska landsliðsins í knattspyrnu ákvað á dögunum að gefa ekki kost á sér á Evrópumótið í sumar.

Mikið hefur gengið á í lífi Bright sem er einnig tæp vegna meiðsla og vildi ekki taka neina óþarfi áhættu í sumar.

Einkalíf Bright er nú á forsíðum enskra blaða daglega eftir að hún ákvað að skilja við Levi Crew en þau höfðu trúlofað sig.

Bright er mætt með nýjan mann en það er hinn 39 ára gamli Dave Zetolofsky, hann byrjaði sem einkaþjálfari Bright.

Zetolofsky var giftur samkvæmt enskum blöðum og átti með þeirri konu sjö börn, það nýjasta er aðeins fimm mánaða gamalt.

Zetolofsky hefur farið fram á skilnað og er fluttur inn til Bright sem er leikmaður Chelsea og einn besti leikmaður enska landsliðsins.

Bright hefur unnið 19 titla með Chelsea en hún mun njóta ástarinnar í sumar frekar en að fara á EM.