Florian Wirtz virðist með hverjum deginum færast nær og nær því að ganga í raðir Liverpool, Bayer Leverkusen fer fram á 150 milljónir evra.
Þýska félagið hefur hafnað fyrstu tveimur tilboðum Liverpool en viðræður halda áfram.
Í gær fóru af stað sögur um það að Wirtz gerði kröfu á það að fá treyju númer 10 á Anfield, hann segir það af og frá.
Alexis Mac Allister klæðist þeirri treyju og Wirtz ætlar sér ekki að mæta á Anfield með læti.
„Hver heldur þessu fram að ég vilji tíuna? Ég ber virðingu fyrir leikmönnum, ekki kaupa allt sem sagt er,“ segir Wirtz.
Wirtz er í verkefni með þýska landsliðinu en félagaskipti hans til Liverpool ættu að ganga í gegn eftir það verkefni.
