Martin Keown, goðsögn Arsenal, er á því máli að Manchester United eigi að reyna við engan annan en Jurgen Klopp í sumar.

Keown telur að Klopp gæti gert mjög góða hluti sem stjóri United, annað en kannski Ruben Amorim sem tók við í nóvember á síðasta ári og hefur skilað litlu sem engu.

Klopp er goðsögn í augum stuðningsmanna Liverpool og eru litlar sem engar líkur á að hann muni taka skrefið á Old Trafford.

,,Eftir svona mörg töð þá hef ég enn áhyggjur af því að þetta sé ekki rétti maðurinn fyrir Manchester United,“ sagði Keown.

,,Það verður fróðlegt að fylgjast með hvernig þeir byrja næsta tímabil en þeir gætu gert verri hluti en að sækja Klopp til að þjálfa liðið.“

,,Ég tel að hann gæti gert stórkostlega hluti hjá félaginu og ég trúi því að þeir þurfi mann með meiri reynslu til að taka við.“