AC Milan hafnaði fyrsta tilboði Manchester City í miðjumanninn Tijani Reijnders, en næsta víst er að enska félagið leggur fram annað tilboð.
City er í leit að arftaka Kevin De Bruyne, sem er á förum eftir tíu frábær ár, og er ekki ólíklegt að Reijders mæti á svæðið á næstu dögum.
Fyrsta tilboði City upp á rúmar 50 milljónir punda var hins vegar hafnað, en Milan vill um 59 milljónir punda.
Reijnders átti flott tímabil í liði Milan sem olli þó vonbrigðum og missti af Evrópusæti.
