Aron Jóhannsson, leikmaður Vals, var gestur í nýjasta þætti Íþróttavikunnar á 433.is. Helgi Fannar Sigurðsson og Hrafnkell Freyr Ágústsson hafa umsjón með þættinum.
Aron kom heim úr atvinnumennsku og gekk í raðir Vals fyrir tímabilið 2022. Markmiðið þá var að sækja Íslandsmeistaratitilinn aftur á Hlíðarenda en það hefur ekki tekist að vinna neinn bikar á tíma Arons þar.
„Mér fannst mjög spennandi að koma heim og reyna að hjálpa við að snúa þessu við. Það gekk ekki betur en svo að við enduðum sæti neðar árið eftir,“ sagði Aron, en Valur hafnaði í 6. sæti 2022.
„Það er mesta pressan þarna, það er bara staðreynd. Þetta er ekki fyrir alla. Þú þarft að vera karakter og með mikið sjálfstraust. Ég var að vonast til að geta hjálpað klúbbnum að fara aftur að vinna titla en það hefur ekki gengið nógu vel. Við höfum ekkert unnið frá því ég kom og það er auðvitað ekki gaman.“
Umræðan í heild er í spilaranum.
