Jermaine Jenas er heldur betur í klandri en hann er giftur maður og á börn með eiginkonu sinni.

Jenas hefur undanfarin ár starfað sem sparkspekingur hjá BBC Sport en var rekinn úr starfi fyrir að senda óviðeigandi skilaboð á kvenkyns samstarfsmenn.

Daily Mail hefur nú birt nokkur skilaboð sem Jenas á að hafa sent en konan í þessu tilfelli er 38 ára gömul og er ekki nafngreind.

Jenas fór langt yfir strikið í þessum viðræðum við konuna en hann hefur sjálfur játað upp á sig sökina.

,,Ég hætti ekki að hugsa um þessar myndir af þér þegar þú sendir þær. Þegar þær berast þá hugsa ég með mér… Loksins fæ ég að sjá þennan líkama,“ á Jenas að hafa sagt.

Nokkrum dögum seinna þá sagði konan Jenas að hún og vinkona sín ætluðu að skemmta sér á ströndinni og hafði hann þetta að segja:

,,Allt í lagi… Ég vil sjá þig í bikiní, þú getur ekki skammað mig fyrir það.“

Seinna sagði konan við Jenas að hún væri ekki hrifinn af því að senda myndir í gegnum síma og þá svaraði hann:

,,Ég veit það en þú veist hvernig þetta er þegar þú ert í burtu. Alveg frá því ég sá þig fyrst þá hef ég hugsað um þig.“

Seinna sendi Jenas konunni nektarmyndir en hún segist sjálf hafa verið í áfalli eftir ákveðin skilaboð stjörnunnar.

Jenas er fyrrum enskur landsliðsmaður og lék fyrir lið eins og Tottenham á sínum ferli.