„Þetta er mesta þvæla sem þessi aganefnd hefur gert, þetta er svo mikið djók. Það er aldrei neitt samræmi hjá þessari nefnd,“ sagði Kristján Óli Sigurðsson sérfræðingur Þungavigtarinnar í þætti dagsins.

Umræðan skapaðist í kringum leikbann sem Guðmundur Kristjánsson leikmaður Stjörnunnar fékk í vikunni. Guðmundur fékk eins leiks bann fyrir að kýla Böðvar Böðvarsson leikmann FH í andlitið.

Kristján hélt því fram í þættinum að í aga og úrskurðarnefnd KSÍ væru fordómar gegn erlendum leikmönnum og vísaði í færslu sem Ískar Snævar Þorvaldsson setti á X-ið í vikunni. „Hann er dökkur á hörund, ég held því statt og stöðugt fram að þetta séu rasistar,“ sagði Kristján í þættinum.

??🤧 pic.twitter.com/0NNNu7CWSc

— Ísak Snær Þorvaldsson (@isaks10) September 11, 2024

Ríkharð Óskar Guðnason svaraði þá Kristjáni.„Þetta eru ekki rasistar. Ertu að halda því fram að útlendingar fái lengri bönn?,“ sagði Ríkharð.

Mikael Nikulásson fyrrum þjálfari KFA taldi upp nokkur dæmi um að erlendir leikmenn fái iðulega lengri bönn fyrir brot af sambærilegum hætti og jafnvel minna alvarlegri hluti en Guðmundur gerðist sekur um.

„Þegar þú tekur 15 bönn og ferð yfir þau, þá fá útlendingar lengri bönn en Íslendingar. Það lítur þannig út, það er ekki hægt að líta framhjá því. Eina sem ég veit að mörgum stórum skitum í KSÍ, það geta allir skitið á sig. Þetta er sú stærsta, ég bjóst við fjórum leikjum. Aldrei undir þremur leikjum, að þetta sé einn leikur,“ sagði Mikael. „Ég bara trúði þessu ekki. Svo kemur enginn og útskýrir neitt.“

„Ég hef ekkert á móti Guðmundi, að hann fái einn leik í bann. Ef einhver kemur á KR-vellinum í kvöld og kýlir einhvern með krepptum hnefa, núna geta menn bara hamrað hvern annan og það er bara einn leikur.“