Belle Silva, eiginkona Thiago Silva, birti myndband af syni þeirra keyra rándýran bíl í London, aðeins 13 ára gamall.
Myndbandið hefur vakið þónokkra athygli en Belle eða Iago, sonur hennar, eru ekki að brjóta nein lög þar sem keyrt var á einkalóð nálægt þeirra heimili.
Iago er aðeins 13 ára gamall eins og áður sagði en stóð sig vel undir stýri og fékk hrós frá móður sinni.
Þau eru enn búsett í London eftir að Thiago hafði spilað með Chelsea en í dag er hann kominn aftur heim til Fluminese í Brasilíu.
Samkvæmt Sun er um að ræða Porsche Panamera bifreið sem kostar um 15 milljónir króna og er aðeins einn af bílum fjölskyldunnar.
Iago skemmti sér konunglega við stýrið í fyrsta sinn eða eins og móðir hans orðaði það: ,,Fíflið náði þessu um leið, þetta var hans fyrsta skipti!“
