Julian Alvarez, leikmaður Manchester City, viðurkennir að hann gæti verið að kveðja félagið í sumar.
Þetta gæti komið einhverjum á óvart en Alvarez fær reglulega að spila fyrir Englandsmeistarana en er þó ekki alltaf byrjunarliðsmaður.
Argentínumaðurinn er 24 ára gamall og tók þátt í 54 leikjum fyrir City í vetur og skoraði 19 mörk ásamt því að leggja upp önnur 13.
,,Ég hef ekki hugsað um hvað ég ætla að gera, á síðustu leiktíð var ég einn af þeim leikmönnum sem fékk flestar mínútur,“ sagði Alvarez.
,,Það er hins vegar rétt, í sumum mikilvægum leikjum er ekki skemmtilegt að vera á bekknum. Ég hef tíma til að íhuga mína framtíð og ákvörðun.“
,,Ég er ekki búinn að fara yfir hlutina í rólegheitum ennþá, um leið og Ólympíuleikarnir klárast þá mun ég hugsa mig nánar um.“
