Holland 1 – 2 England
1-0 Xavi Simons(‘7)
1-1 Harry Kane(’18, víti)
1-2 Ollie Watkins(’91)
England er komið í úrslitaleik EM í Þýskalandi eftir leik við Holland í kvöld.
Holland komst yfir í leiknum en Xavi Simons skoraði með stórkostlegu skoti eftir aðeins sjö mínútur.
Harry Kane jafnaði metin fyrir England úr vítaspyrnu á 18. mínútu og eftir það voru þeir ensku sterkari.
Þetta var líklega besti leikur Englands á mótinu en liðið var heilt yfir líklegri aðilinn.
Sigurmarkið var skorað á 91. mínútu en það voru tveir varamenn sem gerðu gæfumuninn.
Cole Palmer lagði upp markið á Ollie Watkins en þeir höfðu báðir komið inná sem varamenn stuttu áður.