Keflavík 3 – 3 Valur (Valur áfram eftir vítakeppni)
0-1 Patrick Pedersen(’33)
1-1 Ásgeir Páll Magnússon(’38)
2-1 Dagur Ingi Valsson(’57)
2-2 Gunnlaugur Fannar Guðmundsson(’68, sjálfsmark)
2-3 Jónatan Ingi Jónsson(’98)
3-3 Gabríel Aron Sævarsson(‘119)
Valur er komið áfram í Mjólkurbikar karla eftir svakalegan leik við Keflavík í kvöld.
Leikið var á HS Orkuvellinum og er óhætt að segja að áhorfendur hafi fengið mikið fyrir peninginn.
Það þurfti að framlengja þennan leik en staðan var jöfn eða 2-2 þegar 90 mínútur voru komnar á klukkuna.
Jónatan Ingi Jónsson virtist svo vera að tryggja Val áfram er hann skoraði mark í framlengingu á 98. mínútu.
Gabríel Aron Sævarsson jafnaði hins vegar metin fyrir Keflavík er ein mínúta var eftir og vítaspyrnukeppni tryggð.
Þar höfðu Valsararnir betur og fara áfram en Keflvíkingar eiga mikið hrós skilið fyrir baráttuna og spilamennskuna í þessari viðureign.