Burnley er nálægt því að ráða goðsögnina Ruud van Nistelrooy til starfa ef marka má heimildir De Telegraaf í Hollandi.
De Telegraaf segir að Burnley sé komið vel á veg í viðræðum við Hollendinginn sem á að taka við stjórnartaumunum á Turf Moor.
Burnley vill fá metnaðarfullan þjálfara til starfa í Championship deildinni en liðið féll úr efstu deild í vetur.
Vincent Kompany þjálfaði liðið í tvö ár en hann var ráðinn til Bayern Munchen eftir þetta tímabil.
Van Nistelrooy er nafn sem margir kannast við en hann gerði garðinn frægan með Manchester United og Real Madrid.
Van Nistelrooy er 47 ára gamall og þjálfaði lið PSV í Hollandi á síðasta tímabili.
Jóhann Berg Guðmundsson er leikmaður Burnley og gæti mögulega unnið með Van Nistelrooy í vetur.