Netverjar voru svo sannarlega ekki sáttir við innslag sem birtist á FOX News eftir sigur Argentínu á Kanada í Copa America í nótt.
Þar var Lionel Messi til umræðu. Fyrrum bandaríska landsliðskonan Carli Lloyd sagði að enginn eins og Messi kæmi upp aftur en nefndi þó að fleiri leikmenn gætu orðið frábærir.
Hún nefndi Jude Bellingham, sem er að sanna sig sem einn besti leikmaður heims þessa dagana, en það sem sló fólk var að Lloyd nefndi Bandaríkjamanninn Christian Pulisic.
Um er að ræða 26 ára gamlan leikmann sem nú er hjá AC Milan eftir að hafa engan veginn fundið sig hjá Chelsea.
„Þetta gæti verið það versta sem ég hef heyrt,“ skrifaði einn netverji og margir tóku í sama streng.
Sjón er sögu ríkari. Hér að neðan er innslagið.
Carli Lloyd when asked if Messi is the best player in the world right now, "But there's other players, Jude Bellingham, you know, Pulisic's coming up."
😭😭😭😭 pic.twitter.com/xPitpRbVYz https://t.co/LBY3zu144l— Football Report (@FootballReprt) June 20, 2024