Afturelding fékk alvöru skell í Lengjudeildinni á heimavelli í kvöld þegar vaskir Eyjamenn mættu í heimsókn.
Arnar Breki Gunnarsson skoraði eina mark fyrri hálfleiks þegar hann kom ÍBV í 0-1.
Nökkvi Már Nökkvason og Hermann Þór Ragnarsson bættu svo við mörkum í síðari hálfleik og 0-3 sigur ÍBV staðreynd.
Með sigrinum fer ÍBV upp fyrir Aftureldingu í deildinni og upp í þriðja sæti deildarinnar með 13 stig eftir átta leiki en Afturelding er með ellefu stig.