Ef marka má enska miðla er ekki ólíklegt að Trent Alexander-Arnold byrji á miðjunni í fyrsta leik Englands gegn Serbíu á EM í Þýskalandi.
Þetta kemur fram í bæði Times og Telegraph, sem eru virtir miðlar þar ytra. Í þessu tilfelli myndi Kieran Trippier byrja í hægri bakverði samkvæmt þessum miðlum.
Trent byrjaði á miðjunni í tapi Englands gegn Íslandi í vináttuleik á dögunum en Liverpool-maðurinn var svo mættur í hægri bakvörðinn, hans náttúrulegu stöðu, síðar í leiknum.
Það þykir nokkuð ljóst að Declan Rice og Jude Bellingham muni byrja á miðjunni í leikjum Englands en ekki er víst hverjir verða með þeim. Auk Trent koma Kobbie Mainoo, Connor Gallagher og Adam Wharton.
