Todd Boehly stjórnarformaður og eigandi Chelsea lætur ljóta söngva stuðningsmanna félagsins ekki á sig fá og ætlar að halda áfram með verkefni sitt.
Boehly hefur sett mikla fjármuni inn í félaigð ásamt eigendum félagsins og keypt marga leikmenn.
Öll eyðslan hefur hins vegar ekki skilað sér og situr Chelsea um miðja deild á Englandi.
„Við verðum bara að láta þetta þróast, gefa þessum leikmönnum tækifæri á því að fara úr því að verða frábærir leikmenn og breytast í frábært lið,“ segir Boehly.
„Það er gott að stuðningsmönnum sé ekki sama en það slæma er að þetta snertir þau kannski of mikið.“
„Það verður til þess að þeir verða pirraðir út í leikmenn og eigendur, við verðum bara að halda áfram og lifa með þessu.“