Joana Sanz, fyrrverandi eiginkona Dani Alves, birti ansi óvænt mynd af þeim á Instagram í kjölfar þess að Brasilíumaðurinn losnaði úr fangelsi.

Alves losnaði úr fangelsi í síðustu viku, nokkrum vikum eftir að hann var dæmdur í fjögurra og hálfs árs fangelsi fyrir naugðun. Talið er að brasilískt fjölmiðlafyrirtæki hafi borgað hann út. Eina milljón evra þurfti til og fyrrum knattspyrnumaðurinn gat ekki borgað það sjálfur það sem eigur hans hafa verið frystar. Fjölmiðlafyrirtækið borgaði því og vill þess í stað fyrsta viðtalið við Alves um málið.

Sanz skildi við Alves eftir að málið kom upp, en Alves var dæmdur fyrir að nauðga konu á skemmtistað undir lok árs 2022. Hann hafði setið í fangelsi síðan, áður en hann losnaði í síðustu viku. Sanz hefur einnig eytt öllu sem honum tengist af samfélagsmiðlum og því kom það mörgum í opna skjöldu þegar hún birti nú mynd af þeim leiðast. Þó ekki sjáist í andlit þeirra segja erlendir fjölmiðlar augljóst að um Alves sé að ræða og að þarna sjáist í sameiginleg húðflúr sem þau eru með.

Alves á glæstilegt hús fyrir utan Barcelona, þar sem hann hélt til að mynda veislu um leið og hann losnaði, og mun búa þar. Hann hefur setið í fangelsi í eitt og hálft ár á meðan málið var í rannsókn og er það dregið frá dómi hans.

Hann þarf að mæta fyrir dómara einnu sinni í viku til að staðfesta að hann sé enn í Barcelona, hann má einnig ekki koma nálægt fórnarlambi sínu.

Dómstólar voru ekki einhuga um þessa ákvörðun en að endingu losnaði Alves úr fangelsinu.