Nadía Atladóttir, nýr leikmaður Vals, var gestur í nýjasta þætti Íþróttavikunnar. Helgi Fannar Sigurðsson og Hrafnkell Freyr Ágústsson hafa umsjón með þættinum.
Liverpool átti hörmulegan leik gegn Atalanta í Evrópudeildinni á fimmtudag en liðið tapaði 0-3 á heimavelli.
„Liverpool er ekki búið að vera frábært upp á síðkastið en það klikkaði allt. Leikmennirnir sem hafa verið að bera þetta uppi, Van Dijk og Mac Allister, voru líka lélegir. Þetta var bara furðulegt. Mér fannst áhugaleysi yfir þessu,“ sagði Liverpool maðurinn Hrafnkell.
„Í stöðunni 0-1 hugsaði maður að þeir kæmu til baka og í stöðunni 0-2 það sama. En svo kom þriðja markið og maður spyr sig hvort þetta sé búið.“
Nadía vill sjá Liverpool gera allt til að vinna seinni leikinn á fimmtudag og fara áfram, frekar en að mæta með lakara lið og setja einbeitinguna á deildina.
„Ég myndi nú reyna að keyra á þetta. Það er ekki annað hægt. En þetta var rosalega lélegt.“
Umræðan í heild er í spilaranum.
