Arsenal er búið að ákveða það að selja ungstirnið Charlie Patino og er hann með ófáa möguleika fyrir sumarið.

Frá þessu greina bæði ítalskir og enskir miðlar en um er að ræða 20 ára gamlan strák sem þykir efnilegur.

Mikel Arteta, stjóri Arsenal, hefur þó ekki áhuga á að nota Patino og er meira en opinn fyrir því að selja í sumar.

Samkvæmt nýjustu fregnum eru stórlið á Ítalíu að horfa til leikmannsins eða Juventus, AC Milan og Inter.

Patino kom til Arsenal er hann var aðeins 12 ára gamall árið 2015 og hefur til að mynda verið lánaður til Swansea.

Arteta virðist hafa litla sem enga trú á þessum ágæta strák og verður hann seldur endanlega eftir tímabilið.