Lionel Messi, einn besti leikmaður sögunnar, er byrjaður að læra ensku en þetta hefur Julian Gressel staðfest.
Gressel er liðsfélagi Messi hjá Inter Miami í Bandaríkjunum en Argentínumaðurinn hefur aldrei sést tala ensku í viðtali á sínum langa ferli.
Samkvæmt Gressel þá er Messi byrjaður að læra og kann tungumálið nokkuð vel nú þegar.
,,Ég held að þetta hafi verið í fyrsta leiknum gegn Al Hilal og Messi kom að mér og talaði ensku! Þetta var í fyrsta sinn sem hann talaði ensku við mig,“ sagði Gressel.
,,Hann sagði við mig: ‘Nú breytum við, þú heldur stöðu og Jordi tekur hlaup inn fyrir.’ Ég svaraði játandi, þetta hljómaði vel.“
,,Hann spurði mig svo hvort enskan væri ekki fín, ég sagði að hún væri mjög góð, ég skildi allt sem hann sagði.“
